Govva: Minna Rasmus

 

Veli-Pekka Lehtola

Veli-Pekka Lehtola (r. golggotmánu 17. b. 1957) lea sámiid kultuvrra oahppoávdnasa professor Oulu universitehta Giellagas-instituhtas. Lehtola lea Anáris eret ja su eadni lei sápmelaš Niillasaš Biret Biret-Ánne, Anni Pieski gii lei Boares Gáregasnjárggas eret. Su áhčči lei suopmelaš diehtogirječálli ja oahpaheaddji Teuvo Lehtola, gean áddjá fárrii Anárii 1800-logu loahpageahčen Gaska-Suomas Kärsämäki-nammasaš báikkis.

Lehtola dutká erenomážit sápmelaččaid ja Sámi historjjá, sihke sámi dáládáidaga ja sápmelašgova ovdáneami. Son almmustahtii iežas váldobarggu sámiid ja láddelaččaid gaskavuođain 2012 Saamelaiset suomalaiset – kohtaamisia 1896-1953 (goastideaddji: SKS, suomalaisen kirjallisuuden seura). Su ođđaseamos girji lea Saamelaiskiista - sortaako Suomi alkuperäiskansaansa? (goastideaddji: Into Kustannus). Oktiibuot son lea almmustahttán 13 girjji ja čuođenáre dieđalaš artihkkala.

Jagi 2015 rájes son lea jođihan guokte Suoma akademiija prošeavtta. Nubbi leai guovtti jagi prošeakta, Developing the Research Services of the Saami Culture Archive of University of Oulu (2015–2016), ja nubbiges njeallje jagi prošeakta, Domestication of Indigenous Discourses? Processes of Constructing Political Subjects in Sápmi (2015–2018), mii dutká sámiid globála politihkalaš strategiijaid Sámis. Oulu universitehta ja Lappi universitehta bargaba ovttas maŋit prošeavttain.

Jagi 2016 Suopmelaš dieđaakademiija (Suomalainen tiedeakatemia) bovdii Lehtola iežaset lahttun su dieđalaš ánssuid geažil. Jagi 2011 Suomen tietokirjailijat (Suoma diehtogirječállit) juolludii sutnje diehtogirječállibálkkašumi alladását čállosiid buvttadeami dihtii. Jagis 1997 son oaččui Israel Ruong -stipeandda, man juolludii Sámi Instituhtta. Jagiin 2006-2008 Lehtola lei ságajođiheaddjin Sámi Instituhta stivrras.

Áigodagas 2016-2017 Lehtola barggai guossedutkin Sámiid dutkamiid guovddažis UiT Romssa Árktalaš universitehtas.

Gč. Veli-Pekka Lehtola CV... (doc-fiila eaŋgasgillii) 

 



 

Muitaleaddjiid manisboahtit

Lasi... (pdf, 7MB)

The Sámi People – Traditions in Transition (Kustannus-Puntsi – Alaska University Press)

Read more...

Muitaleaddjiid maŋisboahttit (Giellagas-instituhtta)
Nuorra idealisttaid joavku vuodduđii Beaivváš Sámi Teáhtera 1980-logu álggus. 

Lasi / More...

In the Crossfire of War. Evacuation and Return of the Sámi During the IIWW in Northern Finland.

Saamelaiset suomalaiset

Die Sámi – Traditionen im Wandel

Lese mehr...

 

 

© Copyright Veli-Pekka Lehtola 2017  

Lea Virolainen & Lucci